Stu Paisi

Stu Paisi,
Comu t’aggiu lassatu, ti acchiu!

‘Ncerti fiati, pi nienti, aggiu mmalitittu
Puru lu giurnu ca ‘nciaggiu natu.
Quann’era, mancu lu ientu si stia cittu.
Ogne t’unu, ti retu, già era tagghiatu.
Ogni tantu, ‘nc’era n’aria di ribellioni
Sobbra a quarche cosa ti stuertu,
Ma poi, a picca a picca, comu li ciloni,
la custioni sparia e lu spiritu era muertu.

Stu Paisi,
Comu t’aggiu lassatu, ti acchiu!

Osci, ca no praticu cchiui ti dda mmeru,
Sentu ca li cosi stuerti su sempri quiddi:
L’oschettu ti li Culiemi, li strati, la luci, lu cimiteru.
Ma tanti paisani, pi quistu, no si tiranu filu li capiddi.
Comu na fiata, puru moi, alli giuvani sta spettanu,
Cu lli lleanu ti ‘ntra la capu tutti li pinsieri,
Ca si no comu fannu cu vannu allu bar e cu si va settanu?
È sempri quidda la musica, osci comu e cchiu ti ieri.

Stu Paisi,
Comu t’aggiu lassatu, ti acchiu!

No ‘mbogghiu mo’ cu mi malangati pi quiddu c’aggiu tittu.
No pari, ma ‘ntra lu cori mia ‘nci stai sempri nu posticeddu
Cu na voci ca avi trent’anni ca mi rusci cittu cittu:
No ti scirrari mai addo a natu, ca eti cussì beddu.!
Amposta, creu, ca ‘ntra di nui ‘ndi li putimu tiri,
ma ci quarche furastieru oli cu parla, allora suntu uai,
li sanni vessu e lu pigghiu pilli cannaliri,
non ‘nc’è tensia pi ci non è di quai.

Pi quistu, stu Paisi mia, puru ca prima t’aggiu lassatu,
fammi ritari a tutti: è veru, moi però t’aggiu cchiatu!!!